巴士司機說 bus driver says
乘巴士聽司機自言自語，原來可以很有趣。
話說今天乘巴士出荃灣時，有一輛私家車從巴士的右邊突然切線過來，令巴士急停。那個巴士司機算好口德，沒有爆粗，不過就不停的對著坐最前面的一個菲傭說話。(我覺得那個菲傭九成九是聽不懂那個司機的話!) 「你睇吓呢D人吖! 咁樣由右邊殺過嚟，坐旁邊嗰個就死得喇! D人就淨係識得諗自己，真係出事既話，實係死佢則邊嗰個、唔係佢ga! 嗱! 你睇下前面D車，大部份都係偏左，點解呀? 因為右軚呀嘛! 架車偏左，自己就中間D，咁都安全D啦! 但係坐隔離嗰個就死得囉! 人咪就係咁自私，只係顧自己，坐隔離嗰個真係死得ga喇!.....(下刪近百字)」 我想，雖然未必所有駕車人仕都如那個司機所言，但事實很多交通意外中，死傷得最嚴重的都是駕駛座旁的那位乘客。可是，那是否只不過一種自我保護意識而已? 在無意識的情況下這樣做，這算是自私嗎? 想了很久很久，但最終想到的結論，是這世上大概沒幾個人是不自私的...... 女孩子也許可以用這個來留意男朋友對自己有多著緊吧...!
之後呢，有一個乘客過了站才想起要下車，急忙按鐘，又大叫 "司機! 唔好意思呀! 我要呢個站落呀，唔該!" 司機讓她下了車，然後又對那個菲傭說: 「呢D 人就係智者喇! 知道自己衰咗，識得開口講唔好意思叫停。你咪話呀，有D 人淨係識得狂禁鐘喎，你咪等下一個站先囉! 智者就智者，識出聲咪有得落，唔出聲你咪行返轉頭，就係咁簡單! ......(又下刪百多字)」 嗯，智者，誰是呢........?!